Описание
"Чойöй-вокöй, дона ёртöй, тöдса, аддзывтöм на мортöй, тэ эн дивит сёрни-басни, ассьыд олöм-вылöм казьтыв. Он öд тöдлы олан-вылан, асьтö бурöн-шаньöн кылан, сэсся видзöдлан да: гуын, шог пыдöсын, сир би юын. Танi абу менам мойдъяс. Синва, серам - олöм войтъяс. Кыдзи артмис, сiдз и шуи. Кыв-мöд аслам, мыйкö-й гуи. Лыддьы, ачыд асьтö аддзан, он кö аддзы, бокад шлачкан: адöй-адöй, менам ёртöй, вöлiс тадзи тэкöд коркö. Сэсся, гашкö-й, зумыштчылан, лёк кö мыйкö месянь кылан. Но мый вöлi, сiйö вöлi, а мый лоас, тöдö тöлыс, вежа Енэж, джуджыд Чугра, код сайын тай олö югра. А ми танi лöня олам: такöд олам, мöдлы колам... Кöка вой ли, лун ли, асьным сьылам-йöктам, гудöкасям. Лунын мырсям, войын узям. Матьöн кырссям, мойдам кузя. Гажа дырйи гажöдчылам, шог кö лоö - жугыльтчылам. Сiдз нин артмö, мый ся вöчан? Вундöй сюсö, ме мый кöдза..."
О.И.Уляшев "Лыддьысьысьлы кыв-мöд сiдз-тадз"
