ПАЦЕРКІ— адкрытая літаратурная суполка

Описание

Пра кампанію: Пішаш? Досыць! Досыць пісаць у стол! Падзяліся сваім натхненьнем зь іншымі! Ня пішаш? Самы час пачаць! Мы хочам бачыць твары вашых твораў, таму ствараем адкрытую літаратурную пляцоўку для ўсіх, усіх, усіх. Як усё будзе выглядаць: На інтэрнэт-старонцы выдавецтва BYBOOKS ствараецца супольнасьць маладых аўтараў. Зарэгістраваныя ўдзельнікі выкладаюць свае тэксты, якія абмяркоўваюцца ўсімі жадаючымі на адмысловым форуме. Форум самастойна абірае мадэратараў, якія сочаць за дыскусіяй. Штомесяц (пачынаючы зь лютага) удзельнікі супольнасьці абіраюць найлепшы тэкст (ці некалькі тэкстаў), якія будуць выдадзеныя ў выглядзе электроннай кнігі. Адначасова праводзіцца конкурс рэцэнзій на тэксты, у якім можа ўзяць удзел кожны жадаючы. Прыз за найлепшую рэцэнзію – Amazon Kindle. Далікатнае (узрост аўтараў): 15-33 гады (узроставы “цэнз” тычыцца толькі аўтараў, якія будуць прадстаўляць свае творы на плятформе. Азнаямляцца з творамі і галасаваць за лепшы твор могуць асобы любога ўзросту.) Паліткарэктнае (мовы твораў): беларуская і руская. (Для падтрыманьня беларускай мовы “BYBOOKS” уводзіць “моўныя квоты”: прынамсі 50% з тэкстаў, абраных удзельнікамі кам’юніці для публікацыі ў выглядзе электронных кніг, мусяць быць напісаныя па-беларуску.) Дэмакратычнае (жанры твораў): любыя. Прымаюцца як празаічныя, так і паэтычныя творы. Паэзіі будуць прысьвечаныя 3 асобных месяцы, калі чытачы будуць галасаваць за лепшы паэтычны твор. Набалелае (працэс галасаваньня): Усе зарэгістраваныя ўдзельнікі супольнасьці змогуць галасаваць на сайце за найлепшы, па іх меркаваньні, твор. Такім чынам, калі сьцісла, наш грандыёзны плян пяцігодкі наступны: выдаць за год 7-10 электронных кніг (аўтарам—ганарары, чытачам—літаратурны экстаз!)+ зладзіць некалькі відэа-лекцый+4 прэзэнтацыі электронных кніг і аўтараў+конкурс рэцэнзіяў. Сайт, ан якім будзе месьціцца нашая літаратурная плятформа распачне працу прыканцы сакавіка/напачатку красавіка, а пакуль сачыце за абноўленьнямі на нашай Фэйсбук-старонцы. Пытаньнечкі вітаюцца!